https://glos.live https://glos.live cs Wed, 08 Feb 2023 00:00:00 GMT Dziwóm sie na krzoki ozdobióne strzybnymi nagałynźnikami ze śniegowego filigranu, na smreczki z puszystymi baranicami na głowach, na grónie opatulóne w grubóm zimowóm gunie. Czytóm w świyżo napisanej ksiónżce ponowy, że tu chwała Bogu dzisio w nocy wilki nie obchodzały ogrodzynio posiónka, że tu ale przeszły dwie sarny, oto przehópskała wiewiórka od jednego pnia ku drugimu, a tu, kaj je pynkniynto śniegowo pokrywa, rył na dole kret. Śniyg zaskrzipoł. Idym dalij w stróne kotelnice. Aji jo do tej biołej ksiyngi śniegu zapisujym swoimi nogami, żech tu dzisio na posiónku był. Zapisujym, żech tu chodził po tym świecie. Zostowióm za sobóm wyraźny ślad… do..https://glos.live/Opinie_Na_posionku_pisane/detail/na_posionku_pisane_sniyg/0 https://glos.live/Opinie_Na_posionku_pisane/detail/na_posionku_pisane_sniyg/0 Mon, 30 May 2022 08:47:53 GMT *** Zaczyno sezón pasiynio i dojynio. Rozglóndóm sie dookoła. Nad grzbietym Małych Pienin po drugij strónie doliny sie na modrym tle nieba bielóm ośnieżóne Tatry i drobne chmurki nad nimi, zaś tu niżyj na zboczach doliny z wiosynnej zielyni posiónków wyrostajóm biołe rozkwitnióne torki, dziki trześnie i kiyrdle owiec. Tu oto wedla na sałaszu pod Rusinowskim Wiyrchym prowie sie pasóm w nejlepsze. Sóm rozcióngnióne naszyroko. Naprzeciwko, wedle biołych wopiynnych skał wómwozu Homole widać dalszy kiyrdel, co mo prowie teraz prostokóntny kształt. Owce sóm zawrzite w koszorze i szykujóm sie na dojyni. Ponikierzi baczowie tu jeszcze ze swoimi stadami..https://glos.live/Opinie_Na_posionku_pisane/detail/Na_posionku_pisane_Kraina_owiec/0 https://glos.live/Opinie_Na_posionku_pisane/detail/Na_posionku_pisane_Kraina_owiec/0 Wed, 27 Oct 2021 09:23:12 GMT Kónsek niżyj przi ceście widać kolybe, pore budek, jakisi namioty i kupe ludzi. Słychać tam ztela melodie „Za Jabłónkowym siedym mil”. To teraz grajóm nasi – Zbycho Wałach z kamratami. Z drugij stróny kympki sie pasie kiyrdel owiec. Wachujóm ich pastyrze w podhalańskich bukowych portkach z bogato wyszywanymi parzynicami. Pram teraz spuścili óni na wiyrchowóm nute. Głosy majóm silne, ale też już ich isto kierysi poczynstowoł, bo śpiywajóm na piynć głosów a sóm jyny trzo. Kónsek ody mnie rośnie pore strómów, a w ich ciyniu spoczywo downy łemkowski kierchów. Z kympek porośniyntych trowóm wyrostajóm stare żeleźne krziże. Óny milczóm…  Przijechali..https://glos.live/Opinie_Na_posionku_pisane/detail/Na_posionku_pisane_Rozsod_bieszczadzki/0 https://glos.live/Opinie_Na_posionku_pisane/detail/Na_posionku_pisane_Rozsod_bieszczadzki/0 Sun, 19 Sep 2021 08:35:34 GMT   Za to ostóm sie tu darziło o kupe lepij i fest z niego zaczyły tyrczeć. Nie było inszej rady i musieli my go aji ryncznie cosi powyszkubować, coby nie było ostudy po dziedzinie, że prowie PZKO-wski owies je taki zarośnióny. W lecie wszycy jeździli na orlapy, nieskorzij my owce strzigli a potym zaś loło i loło. Dziepro w ostatni siyrpniowy pióntek sie zrobiła jako tako pogoda i tóż my sie chytli koszynio. Danka na hónym obdzwóniła PZKO-wski mamy, niech przidóm na pobabe aji z dzieckami, coby óny też widziały, jako to kiejsi na dziedzinie żniwa wyglóndały. I na kóniec sie ich zebrało dość godnie. Prziszły aji Terezka z Magdzióm, austryjocki..https://glos.live/Opinie_Na_posionku_pisane/detail/Na_posionku_pisane_PZKOwski_owies/0 https://glos.live/Opinie_Na_posionku_pisane/detail/Na_posionku_pisane_PZKOwski_owies/0 Thu, 19 Aug 2021 10:52:21 GMT     Agitacja w Poradniku Gospodarczym, coby wszecy gazdowie zapisali swoje krowy do kóntroli mlyczności jyny po czynści zafungowała. W roku 1932 było „kóntrolowanych\" 48 krów czyrwóno-lyszniańskich. O trzi roki nieskorzij to już ale było jyny 37 krów. Ponikiere z powodów tego stanu podane sóm w sprawozdaniu Towarzystwa Rolniczego za rok 1935: „Nie ulega wątpliwości, że hodowla bydła ucierpiała pod względem zarodowym wskutek chwiejnej konjunktury, zwłaszcza niskich cen mleka i mięsa w ostatnich latach. Wobec absolutnej nieopłacalności odchowu utarł się zwyczaj zakupywania krów użytkowych ze Słowaczyzny i Rusi Podkarpackiej.\" Widać..https://glos.live/Opinie_Na_posionku_pisane/detail/Na_posionku_pisane_Czyrwone_krowy__Pecula/0 https://glos.live/Opinie_Na_posionku_pisane/detail/Na_posionku_pisane_Czyrwone_krowy__Pecula/0 Mon, 28 Jun 2021 09:45:45 GMT   Dzisio tu żodnego nima, ale zeszły pyndziałek tu oto z tego okna tyrczały wietrzóne zogłówki i pierziny. Z kumina sie unosił lehki dymek, na znak tego, że już sie warzi obiod dlo chłopów, co kónsek niżyj ścinali w lesie smreki, kierym wyrszczki pozusychały, czyli sie łoszepieliły, jako to nazwała pani Kantorowa – gaździna tu na Żuruli. Od swoigo ziyncia już óna wiedziała, że sie tu za nimi stawiym. Usadziła mnie na ławie na przilepku przed chałpóm i prziniósła ukozać cały swój tutejszy archiw, czyli małóm czornóm handtaszke, z kierej pozwycióngała stary kancynoł, pore malutkich fotek swoich starzików i tatów, co też tu na..https://glos.live/Opinie_Na_posionku_pisane/detail/Na_posionku_pisane_Wogi_ze_Zuruli/0 https://glos.live/Opinie_Na_posionku_pisane/detail/Na_posionku_pisane_Wogi_ze_Zuruli/0 Mon, 07 Jun 2021 09:34:18 GMT   Danka zaś dzisio przi sobocie chciała cosi dóma skludzać, ale w kóńcu sie dała namówić, coby też obuła gumocze i szła tu zy mnóm. I tóż sie teraz brodzymy spiyniónym próndym gibkigo potóczka  i co chwila wyrchym przelazujymy  przez spiyntrzóne pnie obalónych strómów, pod kierymi ón sie przecisko dołym. Jego zurczyni sie miyszo z szumym ptoczego „śpiywospadu\", kiery sie na nas leje z  mglisto-zielónej kopuły lasu nad naszymi głowami. Mech na brzegach potóczka, zpity do niemoty wodóm, prziglóndo sie spiralnym narodzinóm latosich listków swoji siostrzynice fereczyny. W miejscu, kaj woda potóczka na chwile..https://glos.live/Opinie_Na_posionku_pisane/detail/Na_posionku_pisane_Maciejowym_ku_Zuruli/0 https://glos.live/Opinie_Na_posionku_pisane/detail/Na_posionku_pisane_Maciejowym_ku_Zuruli/0 Mon, 26 Apr 2021 10:23:52 GMT     Ta sie snodzi biere aż z hań downych biblijnych czasów, kiej to Świynto Rodzina uciekała do Egiptu. Już, już jóm wojocy Heroda doganiali i tóż Św. Jozef sie rozglóndoł, kany by sie tu schować. Kole jejich cesty rosły rozmaite strómy, ale ponikiere z nich sie boły schrónić uciekinierów. Wiyrba zaczyna beczeć, osika sie trzónść, a brzoza ze strachu cało zbladła. Dziepro lyska przigarnyła do siebie Jozefa, Maryje, Jezuska i aji tego osiołka, na kierym jechali. Przikryła ich óna swoimi gałynziami i schowała przed tymi, kierzi im chcieli ubliżyć. Od tych czasów lyska pómogo chrónić ludzi, zwierzynta, aji urode na polu przed rozmaitóm..https://glos.live/Opinie_Na_posionku_pisane/detail/Na_posionku_pisane_Trzecio_noga_czynsc_trzecio/0 https://glos.live/Opinie_Na_posionku_pisane/detail/Na_posionku_pisane_Trzecio_noga_czynsc_trzecio/0 Wed, 21 Apr 2021 12:16:17 GMT   …Jak już sie tak spytoł isto po trzeci roz, to mu Jozef Michałek naszeł kansi na mapie w swoim mobilu, że ta rzyka sie nazywo Crişul Repede. I jechali my dalij. Po jaksim czasie wónziejszo już w tych miejscach rzyczka uciykła kansi w bok a naszo cesta też zaczyna skryncać i dźwigać sie do kopca. I już, już my mieli wyjechać na przełyncz, kiej Pieter naroz wolantym obrócił i zjechoł z cesty na taki se dość szumny, wysuty szutrym plac kole jakigosikej betonowego bunkra, czy co to było. Tu my na tabliczce przeczytali, że my sóm pram przi źródle Crişul Repede. Pieter ogłosił półgodzinowy „popas\" i tóż żech szeł kapeczke rozruszać kości. Przedy..https://glos.live/Opinie_Na_posionku_pisane/detail/Na_posionku_pisane_Trzecio_noga_czynsc_drugo/0 https://glos.live/Opinie_Na_posionku_pisane/detail/Na_posionku_pisane_Trzecio_noga_czynsc_drugo/0 Thu, 08 Apr 2021 08:00:05 GMT Isto to było jedno z piyrszych narzyndzi, kiere sie nauczyli  używać nasi downi przodkowie. Człowiek sie zgión i dźwignył ze ziymie patyk abo se jakóm gałynź ze stróma ułómoł. I tyn patyk mu potym pómogoł jakisi ty korzónki ze ziymie  wygrzebać, pómogoł mu siebie i rodzine obrónić, towarzyszył mu w jego cestach do nowych krajów, w jego wandrówkach za dalsze i dalsze horyzonty. Jo se myślym, że prowie patykym człowiek wygrzeboł tóm piyrszóm dziure w glinie, do kierej potym świadómie zasioł nasiónko czy zorko. Myślym se, że to isto patykym człowiek namalowoł na ziymi swój piyrszy obrozek, napisoł swojóm piyrszóm litere. Myślym,..https://glos.live/Opinie_Na_posionku_pisane/detail/Na_posionku_pisane_Trzecio_noga_czynsc_piyrszo/0 https://glos.live/Opinie_Na_posionku_pisane/detail/Na_posionku_pisane_Trzecio_noga_czynsc_piyrszo/0 Tue, 09 Feb 2021 10:45:53 GMT   Nie słychać nigdzi ani szczekanio psów ani wycio wilków. Je spokój i je widno skoro jako we dnie. Ganc bioło jeszcze przed chwilóm tafla nieba zaczyno pynkać i ciynki kry chmur pómalutku spływajóm w stróne Stożka. W szparach pomiyndzy nimi, pram w zenicie nieba, sie ponikiedy ukoże kulato lampa miesiónczka w pełni, kiero na bioły ekran naszego posiónka wyświetlo bajeczny kalejdoskop srebrzystych światłociyni. Od poczóntku roku siedzym dóma na hółmofisie. I całkym sie mi to podobo. Nigdzi nie muszym jeździć, bynzyny polić i planety truć. Zapnym se kómputerek i tak se jyny „z luftu\" zcióngóm dane, programy i aplikacje, kiere potrzebujym,..https://glos.live/Opinie_Na_posionku_pisane/detail/Na_posionku_pisane_W_kozuchu/0 https://glos.live/Opinie_Na_posionku_pisane/detail/Na_posionku_pisane_W_kozuchu/0 Sun, 24 Jan 2021 12:58:20 GMT     Chalara jysiyni sie po Europie zaczyna szyrzić w 90-tych rokach, i to dość hónym, bo jeji spory sóm ze stróma na stróm przenoszane wiatrym aji pore kilometrów daleko. Aji strómy majóm widać swoje pandymie. Zpomiyndzy ugnitych korzyni jasiynia wycióngóm szarozielónkawy kamiyń wyrwany z forotu. Znóm go. Tyn tu oto je taraz zlepióny mrozym, ale normalnie, jak sie go wykopie z ziymie, to go idzie aji rynkami rozkruszyć jako łupek na płaty, na kierych widać blyszczónce kropki a ponikiedy idzie nónść aji odbici skorupki jakigo prehistorycznego ślimoczka czy małża. Jak tyn kamiyń ale potym na lufcie uschnie, to ztwardnie i aji jego barwa sie..https://glos.live/Opinie_Na_posionku_pisane/detail/Na_posionku_pisane_Na_Forotach/0 https://glos.live/Opinie_Na_posionku_pisane/detail/Na_posionku_pisane_Na_Forotach/0 Thu, 17 Dec 2020 08:59:24 GMT     Teraz starczy loskóm zwyrtnyć i pocióngnyć kapke ku sobie i już sie odłómano jymioła kulo z Wyrchgóry na dół po przipruszónej śniegym trowie, jako taki wielki, zielóny i niedofukany balón. Barany, kierym już skónczyła słóżba przi owcach, jyny na to czakały i tóż zaroz hurmym pognały za nióm. Ja, za jymiołóm to sie mogóm urwać! Roglóndóm sie po korónie za dalszymi kiściami. No, je ich tu naprowde godnie.   Oto tu u nas był arborysta Gąsior, kiery dostoł na starość wysadzyni owocowych strómków kole tej na nowo postawiónej gmińskij drzewiónki u Szymeczka, naprzeciwko Nydeczanki, czyli bywałego Eisnera. I tóż zganioł..https://glos.live/Opinie_Na_posionku_pisane/detail/Na_posionku_pisane_Jymiola/0 https://glos.live/Opinie_Na_posionku_pisane/detail/Na_posionku_pisane_Jymiola/0 Fri, 04 Dec 2020 06:23:37 GMT   Ciyniutki biołe płatki nakrónżanej kapusty sypióm sie spod krónżoka do różowej plastykowej waniynki, w kierej my jeszcze oto niedowno nasze dziecka kómpali. Macio stoji przi stole, wykrowo głómbiczki i pogwizduje se przi tym melodie zbójnickigo, Ania rychtuje sól i kmin a Danka, i choć krónżać dziepro zaczynómy, to już cosi skludzo i myje. Latoś my mieli biydne ziymioki, ale za to kapuste pieknóm. Naszej mamie jeji nasiyni na wiosne fajnie zeszło i tóż ji też aji dość godnie rozpikowała. Flancki były szumne, dobrze sie potym przijyny na zogónie i dość tak ich nic nie podgryzało. Ani ich latoś nie trza było tak czynsto podlywać, bo..https://glos.live/Opinie_Na_posionku_pisane/detail/Na_posionku_pisane_Kronzani_kapusty/0 https://glos.live/Opinie_Na_posionku_pisane/detail/Na_posionku_pisane_Kronzani_kapusty/0 Mon, 16 Nov 2020 18:47:55 GMT   Skoro za każdym razym tam cosi do zjedzynio nóndzie i tóż dziubnie ze dwa czy trzi razy i szmaruje dalij. Jak sie ale kierej podarzi wygrzebać jakóm szumniejszóm dżdżownice, to se musi dować pozór na kamratki, coby kiero nie prziskoczyła i nie chyciła tóm gliste za drugi kóniec. Tymu jóm trzeba w mig porwać, odlecieć pore kroków na bok i hónym jóm wsukać do wola.  Kury to sóm okropnie pożyteczne i ekologiczne ptoki, bo poradzóm zeżrać skoro wszycko: uwarzóne oszkrabiny ze ziymioków z trochóm trziczki, kości z polywki podrzónzgane na drzónzgoczu, wszycko to, co sie zachyci w sitku we zlywie po slywaniu wody z nugli abo po umyciu..https://glos.live/Opinie_Na_posionku_pisane/detail/Na_posionku_pisane_Kury/0 https://glos.live/Opinie_Na_posionku_pisane/detail/Na_posionku_pisane_Kury/0 Sat, 31 Oct 2020 05:50:26 GMT   Na wiosne sie przi takich zmianach pogody dycki wiyncyj owiec koci a teraz na jesiyń sie ich wtedy jakosi wiyncyj góni. Zeszły tydziyń my kiyrdel rozdzielili na harymy i puścili ku owcóm barany. Tu na Kympie gazduje stary Ondrasz, kiery dostoł na starość trzicet owieczek oznaczónych zielónóm barwóm na grzbiecie. Prziszełech sie na niego podziwać, jakóż se tu radzi. „No chłopie, dzisio bydziesz mioł naprowde kupe roboty”. Blisko Ondrasza sie pasóm sztyry owce po kierych widać, że to na nich przichodzo. Robióm „niby jakoby nic”, ale znać, że sie starajóm paść czym jak nejbliżyj niego a kamratki wycisnyć kónsek dalij. Ponikiedy ku baranowi..https://glos.live/Opinie_Na_posionku_pisane/detail/Na_posionku_pisane_Owczy_taniec/0 https://glos.live/Opinie_Na_posionku_pisane/detail/Na_posionku_pisane_Owczy_taniec/0 Wed, 16 Sep 2020 11:13:32 GMT     Kónsek ody mnie czyrwóno migocóm stare światła z bicyklów, porozwieszane kole koszora na ochróne przed wilkami. Owce leżóm cicho i spokojnie. W dolinie monotonnie szumi Górski Potok a kole moich nóg chodzi jeż, fuczy i ryje nosym w trowie. Isto sie mu darzi, bo co chwila cosi zjodo i pomlaskuje przi tym jako stary chłop.  Gwiozd by tam na dole było widać o kupe wiyncyj, kdyby mieśiónczek tak jasno nie świycił tym swoim zimnym światłym ukradniónym od słónka, schowanego kansi po drugij strónie Ziymi. Wczora była pełnia, ale niebo było zacióngnióne i loło. Dzisio już je ta puclato gymba ksiynżyca jasno, ostro ograniczóno,..https://glos.live/Opinie_Na_posionku_pisane/detail/Na_posionku_pisane_Zawieszony_nad_gwiozdami/0 https://glos.live/Opinie_Na_posionku_pisane/detail/Na_posionku_pisane_Zawieszony_nad_gwiozdami/0 Mon, 31 Aug 2020 15:07:27 GMT     Do dzisio widzym, jako to tam w postrzodku wyglóndało i wspóminóm, jako fajnie sie tam siedziało przi talyrzu polywki czy szklónce zodówki. Dzisio już to nima to schrónisko z czasów naszego dzieciństwa. Do postrzodka sie tam teraz właściwie nie idzie dostać, jyny tak ku tymu bufetowymu okiynku w ćmawej murownej przibudówce, kieróm tu przistawili z północnej stróny. Kole schróniska gnijóm wraki starych aut i wiszóm tabliczki zakazujónce turystóm jedzyni własnych swaczyn. Pomimo tego je schrónisko dzisio przi niedzieli obsypane turystami, głównie tymi, co wyjechyli lanówkóm z Ustrónia na polane Stokłosice.  Dziwóm sie..https://glos.live/Opinie_Na_posionku_pisane/detail/Na_posionku_pisane_Czantoria_czynsc_drugo/0 https://glos.live/Opinie_Na_posionku_pisane/detail/Na_posionku_pisane_Czantoria_czynsc_drugo/0 Tue, 25 Aug 2020 12:11:28 GMT   Teraz sie dach chlywa już zawalił i krokwie leżóm spiyntrzóne w jego postrzodku, ale rosnónce naokoło chlywa jawory i trześnie dalij chrónióm go swoimi listkami przed słónkym, aji przed wzrokym ludzi chodzóncym w te i we w te po zielónym szlaku turystacznym oto jyny kónsek z tela. Oglóndóm kamiynny żłób z rzyndym gónżewek, do kierych nawlykało sie kiejsi krziżoczki na kóńcach lańcuszków od krów, co se tu w chłódku chlywa legły i rumiygały. Wychodzym na polane. Znać,  że sie tu latoś zaś pasły owce. Trowa je pieknie wypasióno a kympki borówczoka ogryzióne. Po śladach widać, że tu jeszcze niedowno z owcami byli, już ich ale pognali..https://glos.live/Opinie_Na_posionku_pisane/detail/Na_posionku_pisane_Czantoria_piyrszo_czynsc/0 https://glos.live/Opinie_Na_posionku_pisane/detail/Na_posionku_pisane_Czantoria_piyrszo_czynsc/0 Mon, 20 Jul 2020 09:15:16 GMT   Obuwóm strzewiki. W prawym żech naszeł zwiniynte w kłymbek czorne skarpety, kiere mi tam Danka narychtowała. Rozmyślóm chwile, czy jeszcze sewylkać tyn lewy bót, kiery już móm na nodze i przezuwać fusekle, ale potym uznowóm, że ty co móm na nogach sie jeszcze godzóm, bo też sóm ćmawe, w gumoczach nie były zaś tak dłógo a tyn obrozek wielbłónda, kiery je na nich wyszyty, przikryjóm nogawice ancuga. Za chwile mi trzeba bydzie zjechać przez Głuchowóm na dół do Bystrzice na banhof a potym cugym do Pragi…. na pogrzyb. Jeszcze sie tu ale na Soszowie rozglóndóm po posiónku i wspóminóm. Wspóminóm, jak żech kiejsi kóńczył swoje studia..https://glos.live/Opinie_Na_posionku_pisane/detail/Na_posionku_pisane_Blogoslawiono_smierc/0 https://glos.live/Opinie_Na_posionku_pisane/detail/Na_posionku_pisane_Blogoslawiono_smierc/0 Wed, 08 Jul 2020 14:41:27 GMT Próbowołech obudzić aji Mateusza, ale tyn jyny cosi zamamroł i zakutoł sie jeszcze bardziyj pod pierzine. Jasiowi też sie nie chciało stować, ale przeca jyny tu za mnóm na prziłóg prziszeł. Chowiym osełke do kyrblika i podowóm Jasiowi nabruszónóm kose, tóm krótkóm austryjackóm szejesióntke, co jóm używómy na obkoszyni zogónów, czy koszyni trowy dlo baranów, jak prowie sóm jaki zawrzite w chlywie. Przistrojo sie do koszynio. Widać, że to jeszcze nimo wżyte i musi rozmyślać, że trzeba kose cały czas dziyrżeć przi ziymi, oprzitóm bardziyj o piyntke a z dziubym kapeczke przidźwigniónym, coby kuców nie rwać i kosy nie tympić. Jeszcze go poprawióm,..https://glos.live/Opinie_Na_posionku_pisane/detail/Na_posionku_pisane_Koszyni_prziloga/0 https://glos.live/Opinie_Na_posionku_pisane/detail/Na_posionku_pisane_Koszyni_prziloga/0 Tue, 23 Jun 2020 09:04:33 GMT   Kónsek niżyj sie połónczysz sama z sobóm wypływajóncóm z inszych padolskich jarków czy snóz i dalij pognosz na dół przez gatke i popod mostek do Górskigo Potoka, kiery ci ukoże nydecki skocznie i rynek. Potym cie Strzelma spokojnie przekludzi przez malinowy świat kole Farki i naszego drzewianego kościółka i już cie porwie Głuchówka, z kieróm hipniesz na dół wodospadym przi Szpyrze i przewiniesz sie Bystrzicóm, coby wpaść w macierzyński objyncia Olzy. I pocieczesz dalij pomiyndzy pola, przez lasy i przez miasta. Ponikany dane ci bedzie rozloć sie do szyroka a ponikany sie bedziesz dusić w wónskim betónowym korycie, w kierym my ludzie cie zawrzili,..https://glos.live/Opinie_Na_posionku_pisane/detail/Na_posionku_pisane_Przi_potoczku/0 https://glos.live/Opinie_Na_posionku_pisane/detail/Na_posionku_pisane_Przi_potoczku/0 Thu, 21 May 2020 10:48:15 GMT   Idym po posiónku i używóm se deszcza. Już go było naprowde trzeba. Owce mnie prowie uwidziały i tóż z wielkim beczyniym nagarnyły sie ku ogrodzyniu tej naszej kotelnicy. Siana tu jeszcze majóm dość, ale już sie im ścigo za trowóm. Nejbliżyj, łoto zaroz z kraja za siatkóm, stoi szuto bakesza ze swoimi dwiyma jagniokami i dziwo sie ma mnie, czy też ich wypuszczym z kotelnice na posiónek. Dzisio my mieli miyszać owiec na Ochodzitej w Kóniokowie u baczy Pietra Kohóta. Też żech tam u niego mioł latoś domówiónóm wysade piynciu owiec. Zostali my ale dóma, tak samo jako insi gazdowie wysadnicy, kierzi mieli swoje owce prziwiyźć czy przikludzić na..https://glos.live/Opinie_Na_posionku_pisane/detail/Na_posionku_pisane_W_koszorze/0 https://glos.live/Opinie_Na_posionku_pisane/detail/Na_posionku_pisane_W_koszorze/0 Wed, 06 May 2020 08:27:34 GMT   – W czwartek została przeprowadzona rozbiórka dachu nad salą gimnastyczną oraz zdjęto szpic wieży z zegarem – informuje dyrektorka gimnazjum, Maria Jarnot. Jak zaznacza, pandemia koronawirusa na początku wstrzymała remont pochodzącego z 1994 roku obiektu gimnazjum. Po pięciu tygodniach budowlańcy jednak powrócili. Szkoła bez uczniów i nauczycieli ułatwia im prace budowlane. Po budynku mogą poruszać się praktycznie bez ograniczeń. Ale to też tylko do czasu. W przyszłym tygodniu zaczną przychodzić do szkoły maturzyści, a ich powrót zejdzie się w czasie akurat z wymianą okien w nowej części budynku. – Wejście do gimnazjum z ulicy Bezruča będzie..https://glos.live/Opinie_Na_posionku_pisane/detail/Matury_juz_bez_wiezy_Symbol_gimnazjum_zburzony_/0 https://glos.live/Opinie_Na_posionku_pisane/detail/Matury_juz_bez_wiezy_Symbol_gimnazjum_zburzony_/0 Wed, 22 Apr 2020 10:53:47 GMT   Na drugim kóńcu posiónka teraz majóm nowóm atrakcje, bo tam jasiynia wywróciło, i tóż przez jego piyń idzie skokać, wylazować na niego, sturkać sie i przeciskać, coby za chwile zaś sie porwać i gzuć na drugóm stróne. Ponikiedy kierosi z mam, pasyncych sie na młodziutkij trowie, beknie krótko i zawoło swoje pociechy na swaczyne. I tóż potym jedyn czy dwa jagnioki oddzielóm sie od tej jagniyncej szkółki i lecóm pomuldać kapke mlyka. Już to nima jako jako przed dwiyma czy trzyma tydniami taki to procne chladani maminego cycka, dłógi pici, spoczywani i zaś pici. Teraz szkoda każdej sekundy, tóż to wyglóndo ganc jako we Formuli 1. Trzaba umieć z..https://glos.live/Opinie_Na_posionku_pisane/detail/Na_posionku_pisane_Owce_i_slowa/0 https://glos.live/Opinie_Na_posionku_pisane/detail/Na_posionku_pisane_Owce_i_slowa/0 Wed, 08 Apr 2020 11:18:11 GMT   Coby sie to dobrze rachowało, tóż Danka wymyśliła, że za każdym razym tu prziniesymy kónsek wstónżki, każdy we swoji barwie. Jo tu na czuplu Wyrchgóny wdziubnył do ziymie ogrodzyniowóm tyczke, na kieróm teraz wiónżym swojóm zielónom bandle - grzecznie pod ty Danczyne czyrwóne, bo tu je przeca moje miejsce w naszej rodzinie, zakiyl o nic nie idzie. Jeszcze przedwczorym żech wygrowoł, ale potym zaś owce pogupły i aż patnoście sie ich okociło do tego śniega i mrozów, kiere latoś prziszły na kóńcu marca i za tyn czas, coch siedzioł przi owcach i jagniokach to mnie Anula przedbiygła. Rachujym jeji żółte bandle. Dzisio tu zaś ta łata była osiym..https://glos.live/Opinie_Na_posionku_pisane/detail/Na_posionku_pisane_Na_Wyrchgorze/0 https://glos.live/Opinie_Na_posionku_pisane/detail/Na_posionku_pisane_Na_Wyrchgorze/0 Tue, 24 Mar 2020 13:45:23 GMT   Roki przi owcach nauczyly mnie, że wszycko mo swój czas. Pram teraz sie robióm wielki zmiany hormonalne w ciele tej owcy, pram teraz sie w ni wszycko ukłodo tak, coby mógła być dobróm mamóm. Kiejsi downo żech chcioł ulżyć owcy od boleści przi kocyniu i wycióngnółech z ni jagnioka zawczas. Ta mama wtedy krótko prziczuchła ku małymu i uznała, że to nima tyn jeji. Jeszcze nie była przigotowano. Poleciała precz i jeszcze dwa dni chladała i wołala swoigo potomka a tego jagnioka żech musioł potym na flaszce chować. Aji to ciyrpiyni patrzi do żywota. U owiec i u ludzi. Owca, co sie teraz koci wreszcie stynknyła głośnij i wycisła ze sebie blyszczóncego..https://glos.live/Opinie_Na_posionku_pisane/detail/Kocyni/0 https://glos.live/Opinie_Na_posionku_pisane/detail/Kocyni/0 Sun, 26 Jan 2020 07:55:01 GMT Dostali my go jako szczynioka od kolegi owczorza z Valašskij Bystřice, i tóż my go Ogarym nazwali, bo tam tak na chłapców wołajóm. W Polsce zaś ogary, to sóm taki ty myśliwski psy, co to zajónce i dziki świnie po krzokach naganiajóm. No, i aji to na tego naszego dzikusa pasuje. Ku pasiyniu owiec sie moc nimo, ale jak już z nim ku owieczkóm przidymy, to sie óny same do kupy zbiyrajóm, bo wiedzóm, że z nimi kajsi pudymy. Sómsiadów Filip naszego Ogara kiejsi nauczył szczekać, jak sie kiery ku chałpie zbliżo. To ponikiedy naprowde fest lezie na nerwy, ale z drugij stróny wiymy, kiej nóm pocztorka cosi niesie, kiej Kareł przidzie..https://glos.live/Opinie_Na_posionku_pisane/detail/Elektroniczny_pies/0 https://glos.live/Opinie_Na_posionku_pisane/detail/Elektroniczny_pies/0 Sun, 12 Jan 2020 10:02:09 GMT   Dziwóm sie na patyczek przitwierdzóny ku rachetli Made in China, czy by sie na co jeszcze nie przidoł. Ciekawe, czy je zrobióny z jakigo chińskigo drzewa, abo to je kónsek naszego smreka, kiery sie wrócił do Europy, coby przez dwie czy trzi sekundy stabilizowoł lot rachetle wynoszóncej ku niebu barwne iskry sztucznych ogni. *** Ogiyń symbolizuje ochróne i oczyszczyni. Płomiynie majóm magicznóm moc zniszczyć wszycko, co je stare, zużyte i złe, a przez to zrobić miejsce dlo czegosi nowego i czystego, dlo czegosi, na co z nadziejóm czakómy. W noc świyntojańskóm skoczymy przez ogiyń, coby nas ón oczyścił od złych duchów i chorób. Króng..https://glos.live/Opinie_Na_posionku_pisane/detail/Fajerwerki/0 https://glos.live/Opinie_Na_posionku_pisane/detail/Fajerwerki/0 Wed, 01 Jan 2020 10:44:30 GMT   Coby sie darziło, wszycko sie mnożyło  i przez to wóm kupe dobra przibyło. Kolynda! Byście mieli tela cieliczek, kiela je w lesie jedliczek, tela byczków, kiela w lesie smreczków, tela prosioków, kiela po snozach krzoków, tela kóz, kiela je w lesie brzóz, tela owiec, kiela w mrowisku mrowiec, tela kur, kiela je na niebie przi burzi chmur, a coby sie wóm ty kury nie nudziły i każdego dnia po trzi wajca  z dwiyma żółtkami znosiły. Kolynda! Cobyście też mieli tela gynsi, kiela je na strómach gałynzi, tela trusioków, kiela je dni w roku i tela kaczek, kiela mocie w zyngrubie … substancji organicznych. Kolynda! W..https://glos.live/Opinie_Na_posionku_pisane/detail/Michol_na_Nowy_Rok/0 https://glos.live/Opinie_Na_posionku_pisane/detail/Michol_na_Nowy_Rok/0 Thu, 26 Dec 2019 09:27:55 GMT     Nikiedy to idzie fajnie, ale ponikiedy trzeba linke procno wyplantować z torek abo krzoków ostrynżyn. Oto niedowno żech siedzioł w noc świyntojańskóm przi ogiynku i grzeboł w nim patykym, a tu już na prziszły tydziyń Wilija. Słónko sie lyniwie wygrzebało spoza kopców, ale teraz przipiyko tak, jako by to ani nie była drugo połówka grudnia. Trowa sie na nowo zazielyniła i jeszcze aji jakosi mucha mi kole ucha zabrzynczała. „Dziwny jest ten świat” naisto by teraz powiedziała pani Janiczkowa, kiero tu miyszko w chałpce na Górsku i umiy przefajnie opowiadać, jako to kiejsi hań downi bywało. Przedwczorym obchodziła swojóm dziewiyndziesióntke..https://glos.live/Opinie_Na_posionku_pisane/detail/Urodzono_w_kurloku/0 https://glos.live/Opinie_Na_posionku_pisane/detail/Urodzono_w_kurloku/0 Thu, 12 Dec 2019 11:51:46 GMT   Na zachodnij ścianie móm nejraczyj tyn ganc dolny, położóny na tak isto z meter wysokij, nabiylónej wopnym podmurówce. Jego lata, zbite gynsto ku sobie, niesóm świadectwo, że tu kiejsi bywały twarde czasy nie jyny dlo ludzi, ale aji dlo strómów. Tyn smrek, z kierego był uciosany, musioł rosnyć kajsi miyndzy kamiyniami na Praszywej, w Miónszym, abo możne aż na Piyntrziskach. Z takigo drzewa sie robiło hóśle, abo stawiało kościoły. Drugi tróm to je synkocz. Niesie ón pamióntke na tesorza, co ty jego jego synki rozciupoł do gwiozdek, coby drzewa nie rozciskały. To sóm w naszym kościółku ty nejpiekniejsze ornamynty wyciupane ludzkóm rynkóm na ornamyntach..https://glos.live/Opinie_Na_posionku_pisane/detail/U_swiyntego_Mikolaja/0 https://glos.live/Opinie_Na_posionku_pisane/detail/U_swiyntego_Mikolaja/0 Tue, 26 Nov 2019 15:31:05 GMT Żyjymy se tu w przepieknej dziedzinie, tak jako w gniozdku pomiyndzy gróniami. Tu sie nóm dobrze siedzi, tu sie czujymy bezpiecznie. Drugij takij dziedziny nima. Ale jak udróm mrozy i tóm naszóm nydeckóm kotline przikryje pokrywka inwersji, to tu ponikiedy miywómy jako we wyndzoku. Smrody, kiere se tu wypuszczymy z kuminów, muszymy potym dychać.  Czym bardzij je zima, tym wiyncyj trzaba hajcować, coby nóm dóma było fajnie cieplutko i mógli my przed telewizorami siedzieć wypiyrzóni. Tak my przeca prziwykli. Przikludzyni gazu do dziedziny stoło gmine kupe piniyndzy, a jeszcze wiyncyj starości ze spłocaniym dłógów. Ale cóż? Ponikierym z nas se..https://glos.live/Opinie_Na_posionku_pisane/detail/Gumocz_w_piecu/0 https://glos.live/Opinie_Na_posionku_pisane/detail/Gumocz_w_piecu/0 Thu, 31 Oct 2019 10:38:06 GMT   Kładym kosz na ziym i wołóm „byruś, byruś\". Pore owiec dźwigło głowy i dziwo sie w mojóm stróne. Dwie z nich zabeczały, ale stojóm dalij w miejscu. Spomiyndzy torek wyszała na posiónek bioło bezrogo owca z czornymi plamami kole oczy. Ja, to je óna. Szuto bakesza. Ta, co kiyrdel wodzi. Stanyła se na kympke, coby lepij widziała czych to je jo i czy co niesym ze sobóm i worce ku mnie iść. Isto już uwidziała tyn kosz z jabkami, bo beknyła krótko. Zaroziunku odpowiedziało ji zabeczyniym z piynć czy szejść kamratek i już cały kiyrdel wali ku mnie z kopca jako potok wezbrany na wiosne. Je jasne, że piyrsze jabko chynym przewodniczce stada. Teraz..https://glos.live/Opinie_Na_posionku_pisane/detail/Jako_owce/0 https://glos.live/Opinie_Na_posionku_pisane/detail/Jako_owce/0 Tue, 08 Oct 2019 10:26:38 GMT   Anula, cało rada, że nie musi gónić sama, chyciła sie kónwersacyji już od startu. Nejprzód było trzeba wybrać i omówić  trase biegu. Czy dalij polecymy pod Soszów ku Stańkuli i na Zomiónszy abo cestóm kole Rusnoka przez Zorolny pod Łysóm Góre. Zaczyno pokrapować i Ania zdecydowała, że wybierymy tóm drugóm trase. Je krótszo i po lepszej ceście, ale za to wiyncyj do kopca. I tóż my skryncili na mostek przez Strzelme ku Zorolnymu. Zaroz za mostkym se Ania prawi „Na wyrchu bedymy za patnost minut”, potym sie ale podziwała na mnie i dodała „No, dzisio za dwacet”. No to mnie nasmoliła! Przidowóm do kroku, a óna se dalij leci i wykłodo..https://glos.live/Opinie_Na_posionku_pisane/detail/Na_biegowkach_aji_pieszo_po_polsku/0 https://glos.live/Opinie_Na_posionku_pisane/detail/Na_biegowkach_aji_pieszo_po_polsku/0 Mon, 23 Sep 2019 11:26:49 GMT   „Szędziołym przikryto strzecha staro, nisko, zaproszo przechodnia za próg aż do dómu, tu świyci i grzeje dómowe ognisko, odpocząć i wytchnąć użyczy kaj kómu” (A. Kupiec, „Staro strzecha”) Nad strzechóm drzewiónki polatuje porka gwizdków i co chwila kierysi z nich przisiednie na kalynicy. Już by mieli odlatować, już ich instynkty cióngnóm kansi hań do ciepłych krajów, ale jeszcze obczakujóm, jeszcze sie dziwajóm, czy przed chałpe nie wyndzie gaździnka i nie zamacho im na ceste, jako to robi każdego roku.    „Lećcie ptoki moje, kansi w świat daleki, niech was dobre losy dokludzą, kaj chcecie, a..https://glos.live/Opinie_Na_posionku_pisane/detail/W_malinowym_swiecie/0 https://glos.live/Opinie_Na_posionku_pisane/detail/W_malinowym_swiecie/0 Sat, 07 Sep 2019 10:32:33 GMT „Witej Kareł! Jak sie mosz? Kaj żeś sie w sobote smykoł, że cie nie było na strziganiu owiec? Mógłeś pojeść placków abo baranigo gulaszu a jakisi to małe piwo też by ci pezetkaowcy uloli. Mógłeś sie podziwać, jako idzie strzigoczóm strzigani a muzynkantóm grani i śpiywani. Mógłeś z nami pobyć na posiónku przi owcach.\" – Kareł wzruszo ramiónami, wykrziwio gymbe i macho rynkóm kajsi w stróne Praszywej. Nima możne, żeby o strziganiu nie wiedzioł! Przeca to je prowie ón, kiery sie dycki jako jedyn z piyrszych dowiy, co sie kaj po Nydku szuśnie i potym roznoszo nowiny. Jak kiery w dziedzinie umrze, to Kareł krziżuje rynce na piersiach, mówi „uja..https://glos.live/Opinie_Na_posionku_pisane/detail/Karel/0 https://glos.live/Opinie_Na_posionku_pisane/detail/Karel/0 Mon, 19 Aug 2019 12:52:38 GMT   Kaj czego je za moc, to trzeba brać, a kaj chybi - dować. Kany to wszyndzi Wielki Zbójnik zbijół i kómu broł, to tak do kóńca nie wiym, ale widziołech, kaj dowoł. Dowoł swoimu miastu Ustróniu, dowoł całymu regiónowi, tutejszej kulturze. Dowoł ludzióm tu osiadłym, aji tym, co tu przijyżdżali. Broł ludzióm czas na gupoty, cypowiny i bisagowani a dowoł im czas pożytecznie spyndzóny. To ón połónczył Nydek i Ustróń „ścieżkóm rycerskóm\", ón organizowoł prelekcje, wystawy, konkursy plastyczne dlo dziecek czy też sioci krzice przed Św. Jónym. To ón skrziknył partyje dzisiejszych ustróńskich „zbójników\", coby brónili spuścizny..https://glos.live/Opinie_Na_posionku_pisane/detail/Swiynto_Baraniny/0 https://glos.live/Opinie_Na_posionku_pisane/detail/Swiynto_Baraniny/0 Sun, 21 Jul 2019 08:02:01 GMT   Owce my uż przegnali na Zomiónszy, kaj sóm młaki, bo sie tam ciśnie woda spod Upłozu i tóż trowa je dobrze podrośnióno i jakisi to pasiyni tam jeszcze je. Jarki my też uż musieli ścióngnyć z Kympy u Łamacza, bo ani tam uż nie było na czym paść. Nejgorsze, że z otawami to bedzie biydne. *** Latosi kwieciyń był, tak jako i tyn łónski, nieobadanie suchy. Zato w maju dobrze poloło, ziymia nasiónknyła i na posiónku z każdej kreci dziury giszała woda. Trowa sie w kóńcu spamiyntała i rosła na oczach, i tóż piyrszygo siana my nasuszyli aji dość godnie. Z koszyniym trzeba było ale poczkać na słónecznóm pogode, kiero prziszła aż w..https://glos.live/Opinie_Na_posionku_pisane/detail/Czakani_na_deszcz/0 https://glos.live/Opinie_Na_posionku_pisane/detail/Czakani_na_deszcz/0 Mon, 08 Jul 2019 09:15:15 GMT My z Dankóm uż se swoigo łowiynzioczka odtańcowalii i mógli my przisiónść z kraja widowni, coby sie podziwać i posłóchać, jako to partyji dali idzie. Na scynie wisi oświetlóno gałynź wiónzu, kiero symbolizuje głównego bohatera programu, stary rozłożysty brzóst, co rośnie w Bukowcu na dole w dziedzinie, niedaleko od Olzy zaroz za gospodóm „U Turka” i je nazywany Bukowieckim Starzikym. Na przodku scyny siedzi z boku kamrat Bukowieckigo Starzika i wszeckich inszych strómów Janek Michalik z Piosku, kiery posłócho co mu stary stróm opowiado i poli trónt. Dzisio z nimi kamraci aji wiater, kiery jak trzeba stworzyć na scynie tajemniczóm atmosfere, tóż niesie..https://glos.live/Opinie_Na_posionku_pisane/detail/Bukowiecki_Starzik_w_Straznicy/0 https://glos.live/Opinie_Na_posionku_pisane/detail/Bukowiecki_Starzik_w_Straznicy/0 Fri, 21 Jun 2019 12:40:31 GMT   Siedzym se na posiónku, grzebiym patykym w ogiynku i żujym w zymbach gorskóm łodyge dziurawca. Słónko usiotane jednym z nejdelszych dni w roku uż sie skulało za grónie i spoczywo, bo pómału mu trzeba beje zawracać i zaś redykać od raka, hań, aż do koziorożca. Owce też uż sie dopasły, polygały na kympie i pocichu rumiygajóm. Jyny ta szuto bakesza, kiero wodzi kiyrdel, prziszła posznupać, czy też dlo ni nimóm jakigo kónska twardego chleba. Tóż stoi przi mnie i ducho mi do ucha. Noc świyntojańsko wónio sianym. Wónio zielinami, kiere pram teraz majóm nejwiynkszóm siłe lyczyć ludzi czy dobytek i magicznóm moc chrónić nasz świat przed złym.  *** Uż..https://glos.live/Opinie_Na_posionku_pisane/detail/Na_posionku_pisane_W_noc_Swiyntego_Jona/0 https://glos.live/Opinie_Na_posionku_pisane/detail/Na_posionku_pisane_W_noc_Swiyntego_Jona/0